മൃദുവായ് ചിരിച്ചു ഞാന്‍...

പതിവിലും നേരത്തെ അകലെയാ താരം 

തിളങ്ങി നിന്നൂ......പുഞ്ചിരിച്ചു നിന്നൂ.....

പാതിരാവായതറിഞ്ഞില്ല..,പക്ഷികള്‍

ചേക്കേറുവാനെങ്ങു പോയത്..? കണ്ടില്ല...

കനമേറുമിരുളളിന്റെ ആഴത്തിലെങ്കിലും

ദൂരെയാ  നേര്‍ത്ത പ്രതീക്ഷ കണ്ചിമ്മുന്നു.... 

മൌനം കനത്താലുമന്ധത പരന്നാലു-

മെന്റെ പ്രതീക്ഷതന്‍ പൂ വാടിവീഴില്ല 

ഓര്‍മ്മകള്‍ ഒരിക്കലും മരിക്കില്ല......!!
ഓടിയെത്തും.... എന്നും കൂട്ടായ്....!!
ഓളങ്ങള്‍ വിട്ടൊഴിയാത്ത കാട്ടരുവി പോലെ,
ഓര്‍മ്മകള്‍ വിട്ടൊഴിയാത്ത മനസ്സും , പിന്നെ
ഒരു പിടി നൊമ്പരങ്ങളും
ഒരുപാടു സുന്ദര നിമിഷങ്ങളും..!!
ഓര്‍മ്മചെപ്പില്‍ ഓര്‍മ്മകള്‍ ഇനിയും നിറയും ....
ഒളി മങ്ങാതെ നിറയും......
അവിടെയെന്‍ സ്വപ്നത്തെ ഞാന്‍ കുടിയിരുത്തും...

ഓര്‍മ്മകള്‍ തീര്‍ത്ത ചിരാതിന്‍ വെളിച്ചത്തി-

ലെന്റെ ലോകത്തെ ഞാന്‍ കാണും....!!